El-Zakzaky Na Nan Da Ransa-Sojoji

0
752

Rabo Haladu Daga Kaduna

hukumomin Soji Nijeriya sun cenan gaba za su ba shugaban kungiyar ‘yan uwa Musulmi a kasar, Sheikh Ibrahim
Zakzaky dama ya yi magana da mabiyan sa.
Shugaban rundunar sojin a Kaduna, Manjo Janar Oyebade wanda ya sanar da hakan ga manema labarai ya ce, a yanzu haka shugaban kungiyar ta Islamic movement, Malam Ibrahim El-Zakzaky da matarsa, Malama Zeenat na
hannun jami’an tsaro kuma suna cikin koshin lafiya.
A ranar Lahadi ne, kungiyar ta ‘yan Shi’a ta bayyana cewar an hallaka Malama Zeenat tare da wasu manyan shugabannin kungiyar kamar, Malam Turi da kuma Malam Ibrahim Usman.
Ana ci gaba da zaman zullumi a yankin Gyallesu inda gidan El-Zakzaky yake a birnin Zariya a yayin da kuma ake zargin jami’an tsaron sun hallaka mabiya kungiyar da dama.
Sojojin kasar sun zargi kungiyar ta Shi’a da yunkurin halaka babban hafsan sojin kasar lokacin da ya je Zaria ranar Asabar, sai dai kungiyar ta musanta wannan zargi.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.