Yan majilasar Jihar Kano 34 sun Jefar Da Jar Hula

    0
    1488

    Rabo Haladu Daga Kaduna

    \’Yan majalisar jihar Kano kimanin 34 ne
    suka cire jajayen hulunansu, domin nuna
    goyon bayansu ga gwamna Abdullahi
    Ganduje kan sabanin da suka samu shi da
    tsohon gwamnan Sanata Rabi\’u Musa
    Kwankwaso.
    \’Yan majalisar sun yi alkawarin ba za su sake
    sanya jajayen hulunan ba, wadanda duk wani
    dan jam\’iyyar APC a jihar Kano ke sawa tun
    zamanin mulkin Kwankwaso a 2011 don nuna
    mubaya\’arsu gare shi.
    Kakakin majalisar Kabiru Alhassan Rurum ne ya
    jagoranci cire jar hular inda ya rage mambobin
    majalisar shida ne kawai ba su bi sahunsa ba
    wajen yin hakan.
    Honorabul Rurum ne ya jagoranci tawagar \’yan
    majalisar zuwa gidan gwamnati don ziyarar ban
    girma ga gwamna Ganduje, inda a can ne suka
    cire hulunan tare da neman gwamnan ma ya
    cire tasa jar hular.
    Sai dai a nasa bangaren, gwamna Ganduje ya yi
    kira ne ga \’yan majalisar da kada su rabu da
    jajayen hulunansu.
    Ya kuma shawarce su da su ci gaba da amfani
    da su a wata alama ta nuna girman jam\’iyyarsu
    a jihar Kano.
    A baya-bayan nan ne dai aka samu sabani
    tsakanin tsohon gwamna Rabi\’u Kwankwaso da gwamna Ganduje, inda al\’amarin ya jawo tayar da jijiyar wuya tsakanin magoya bayansu.

    LEAVE A REPLY

    Please enter your comment!
    Please enter your name here