Dan majalisar dokokin Filato mai wakiltar Jos ya tallafa wa Makarantun Ittahadu

    0
    1063

    Isah Ahmed Daga Jos

    DAN majalisar dokokin Jihar Filato mai wakiltar mazabar Jos ta arewa
    maso arewa Alhaji  Ibrahim Baba Hassan ya tallafa wa daliban makarantun
    kungiyar malaman makarantun islamiya ta Jihar Filato [ Ittihadu
    Anwaril Hidayat] da Unifom.
    Da yake mika wannan tallafi ga shugaban kungiyar ta Ittihadu Anwaril
    Hidayat Alhaji Yusuf Yahaya a wajen taron tunawa da ranar Isra\’i da
    Mi\’irajin Manzon Allah SAW da kungiyar ta shirya a garin Jos, Alhaji
    Ibrahim Baba Hassan ya yi  fatar wannan tallafin  unifom da ya  bayar
    zai kara karfafawa daliban da suka samu gwiwa kan karatun da suke yi.
    Dan majalisar wanda Alhaji Muhammad Shitu ya wakilta ya yi  kira ga
    daliban  kan su kara zage damtse wajen neman ilmi  domin da ilmi ne
    duniya take ci gaba.
    \’\’Mu kara tashi tsaye wajen neman ilmin addini da ilmin boko. Idan
    muka sami ilmi za mu taimaki kawunanmu da mutanenmu da kasa baki
    daya\’\’.
    Daga nan ya bayar da tabbacin cewa da  yardar Allah zai ci gaba da
    taimaka wa matasan wannan mazaba wajen neman ilmi.
    A nasa jawabin babban limamin Jos Sheikh Lawal Adam ya yi  addu\’ar
    fatar alheri ga  dan majalisa kan wannan tallafi da ya bai wa daliban
    makarantun wannan kungiya.
    Har\’ila yau ya yi  addu\’ar Allah ya kara daukaka wannan kungiya da
    makarantunta da dalibansu baki daya.
    Babban limamin na Jos wanda Na\’ibinsa Sheikh Gazali Isma\’ila Adam ya
    wakilta ya bayyana mahimmanci Isra\’i da Mi\’irajin Manzon Allah SAW. Ya
    ce Sahabban Manzon Allah SAW guda 25 ne suka rawaito Hadisan wannan
    tafiya ta Isra\’i  da Mi\’irajin Manzon Allah SAW saboda mahimmancinta.
    Tun da farko a nasa jawabin shugaban kungiyar ta Ittihadu Anwaril
    Hidayat Alhaji Yusuf Yahaya ya bayyana cewa a bikin Maulidi na
    shekaru uku da suka gabata ne, dan majalisar ya yi masu alkawari na
    ba su wannan tallafi na Unifom. Don haka ya mika godiyarsu ga dan
    majalisar kan wannan alkawari da ya cika masu.
    Ya ce wannan kungiya ita ce take shirya maulidi a garin Jos kuma a
    yanzu ta kirkiro da gasar karatun Hadisai da gasar kasida da taron
    Muharram da kuma  taron tunawa da Isra\’i da Mi\’irajin Manzon Allah.
    \’\’Shi musulmi a rayuwarsa  babu abin da yake kauna kamar Annabi
    Muhammad SAW don haka  kungiyar nan, ta kirkiro da wannan taro na
    tunawa da ranar Isra\’i da Mi\’irajin Annabi Muhammad SAW. Ya zama
    wajibi musulmi su rika girmama wannan rana ta 27 ga watan Rajab wato
    ranar da Manzon Allah Annabi Muhammad SAW ya yi Isra\’i da Mi\’iraji
    saboda mahimmancinta\’\’.

    LEAVE A REPLY

    Please enter your comment!
    Please enter your name here