MAJALISAR DATTAWA ZA TA BINCIKI WASU KUDIN MAI DA SUKA BACE

    0
    813

    Daga Usman Nasidi

    A zaman ‘yan majalisar dattawan kasar nan, mambobin majalisar sun amince cewa lallai za a binciki wasu kudi da suka bata a gwamnatin shugaba Buhari.
    Majalisar ta ce bai kamata wasu kudi su rika bacewa daga asusun gwamnatin ba yayin da ake fama da rashin kudi a kasar.
    Sanata Dino Melaye ne ya kawo kudirin cewa ya kamata a duba wannan batu, Sanata Ali Ndume; shugaban masu rinjaye a majalisar kuwa ya mara masa baya.
    Sanatan ya ce kudi kusan Dala Biliyan 7 sun yi kafa daga NNPC da kuma NPDC.
    Majalisar za ta binciki shugaba Buhari da kuma ma’aikatar mai; Dokta. Ibe Kachikwu da kuma shugaban kamfanin mai na asa wato NNPC; Maikanti Baru. Majalisar Dattawar kuma za ta binciki Gwamnan Babban Bankin Kasa; Godwin Emefiele.
    Shugaban Majalisar Dattawar, Abubakar Bukola Saraki ya ce wasu na kokarin ganin yaki da cin hanci da rashawa da wannan gwamnati take yi bai kai gaci ba.

    LEAVE A REPLY

    Please enter your comment!
    Please enter your name here