\’Yan Sanda A Abiya Sun Cafke Wasu Masu Safarar Kananan Yara Su 2

0
853

Musa Muhammad  Kutama Daga  Kalaba

\’YAN sanda a Jihar Abiya sun kama wasu mutum biyu da ake zargin su da safarar wani karamin yaro mai suna  Obinna Ozuoba,kuma sun yi sa\’ar kubutar da shi daga hannun masu safarar yaran.

Mutanen da ake zargi  Rowland Egbe, da kuma wata mace mai suna  Chioma Ohajinmmadu, da suka tafi da yaron wajen wanda yake da bukatar ya saya yaron kamar yadda wannan jarida ta samu labari an ce yaudarrasa suka yi da biskit suka tafi da shi kamar za su aike shi wani wuri sai suka arce da shi .

Da yake nuna wa manema labarai masu laifin da ake zargi kwamishinan \’yan sandan Jihar Abiya Leye Oyebade, ya ce, an kamo daya daga cikin su mai suna Rowland Egbe a Obehie ,yankin karamar hukumar Ukwa ta yamma yayin da ita kuma abokiyar huldar tasa Chioma ita kuma aka kamo ta a Ohanku kan hanyar Aba Egbe, inda barawon yaran ya yi ikrarin sayar da yaron kan kudi Naira Dubu 150,kuma an ba shi Naira Dubu 50  kafin alkalami na cinikin.

Kwamishinan ya ci gaba da cewa yadda suka shirya bayan kama yaron da suka tafi da shi ita  Chioma ta yi aniyar daukar  yaron matsayin dan ruko ne  amma daga bisani sai ta yanke shawarar ta sayar da shi wanda ya sayi yaron zakara ya ba shi sa\’a kuma \’yan sanda sun baza komar su sai sun cafko shi duk ma  inda ya shiga ya boye .

LEAVE A REPLY

Please enter your comment!
Please enter your name here