\’Yan Nijeriya Suna Jin Jiki —Buhari

0
968

Rabo Haladu Daga Kaduna

SHUGABAN kasa Muhammadu Buhari ya ce kusan daukacin al\’ummar kasar nan na jin radadin koma bayan tattalin arzikin da kasa ke ciki a halin yanzu.
Ya bayyana hakan ne a yayin da yake gabatar da kudurin kasafin kudin shekara mai zuwa a gaban majalisar dokokin kasa da ke Abuja.
Sai dai ya ce an tsara kasafin kudin na Naira Tiriliyan bakwai da Biliyan 300 ne ta yadda zai tsamo kasar daga cikin halin da ta shiga.
An dai yi ta fama da jerin badakalar yin coge tsakanin \’yan majalisar dokokin kasar a kasafin kudin 2016.
A kwanakin baya ne kuma shugaba Muhammadu Buhari ya nemi amincewar `yan majalisar dokokin bukatarsa ta karbar rancen Dala Biliyan 30 daga waje don cike gibin kasafin kudin kasar na shekaru uku masu zuwa.
Shirin rancen dai ya hada da sayar da takardun bashi na kudin Euro da kuma shirin tallafa wa kasafin kudi.

 

LEAVE A REPLY

Please enter your comment!
Please enter your name here