MUN BUDE WURIN SAYAR DA SHAYI IRIN NA ZAMANI NE DON INGANTA SANA’AR-SHUGABAN MASU  SHAYI

    0
    772
    Isah Ahmed, Jos
    SHUGABAN kungiyar masu shayi ta kasa Alhaji Shu’aibu Abubakar ya
    bayyana cewa ya bude wurin sayar da shayi irin na zamani ne, don dada
    inganta wannan sana’a. Shugaban ya bayyana haka ne a lokacin da yake
    jawabi a wajen walimar bude wajen sayar da shayi irin na zamani da ya
    yi a garin Jos.
    Ya ce mun bude wannan wajen  sayar da shayi irin na zamani ne, domin
    wurin shayi wurin cin abinci ne da ya kamata a inganta shi fiye da
    kowanne irin wurin sana’a. Domin wuri ne na kiwon lafiya.
    Ya ce mun kawata wannan waje mun sanya masa dukkan abin da ya kamata
    mu sanya, mun yi kamar yadda ake wuraren sayar da shayi a kasar
    Saudiyya da sauran manyan kasashen duniya.
    Ya yi  kira ga masu shayi na Nijeriya, su bude irin wadannan  wuraren
    sayar da shayi irin na zamani domin inganta wannan sana’a tare  da
    kwantarwa da abokan huldarsu hankali.
    Shi ma a nasa jawabin babban jami’in ‘yan sanda na shiyar Unguwar Rogo
    dake garin Jos  Mansur Ahmed  ya nuna jin dadinsa da bude wannan waje.
    Ya ce  babu shakka an yi kokari wajen gyara wannan waje. Ya yi  fatar
    sauran masu sana’ar shayi zasu koyi da wannan abu.
    Daga nan ya yi kira ga  masu wannan sana’a su bai wa jami’an ‘yan
    sanda  hadin kai da goyan baya ta hanyar basu labaran masu aikata
    miyagun abubuwa. Ya ce irin wadannan labarai za su taimaka masu wajen
    gudanar da ayyukansu.
    Manyan mutane da sauran kungiyoyi da dama ne suka halarci wajen wannan
    walima ta bude wannan waje na sayar da shayi irin na zamani a garin na
    Jos.

    LEAVE A REPLY

    Please enter your comment!
    Please enter your name here