Buhari Ya Kammala Tsara Kasafin Kudin 2018

0
763

Rabo Haladu Daga Kaduna

MAJALISAR zartarwar  ta amince da daftarin kasafin kudin shekarar 2018 a wajen taron mako-mako na majalisar da aka yi ranar Alhamis a fadar shugaban kasa a Abuja.
Majalisar zartarwar ta ce nan ba da jimawa ba ne za a gabatar da kasafin kudin ga majalisar dokoki.7
Ministan Ayyuka, Wutar Lantarki da Gidaje Babatunde Fashola, ya ce aikin shugaban kasar ne ya mika wa majalisar kasafin kudi kuma ya yi bayanin kan yadda za a kashe kudin.
Har ila yau ministan ya ce suna tattaunawa da bangaren majalisa don tsayar da ranar da shugaban kasar zai je ya mika mata daftarin kasafin kudin.
\”A baya muna mika wa majalisar daftarin kasafin kudin ne a watan Disamba, amma a bana za mu ba su a wannan watan na Oktoba ne, akwai bambanci kan yadda aka saba gani,\” in ji shi.
Ministar Kudi Kemi Adeosun, ta ce an kashe Naira Biliyan 450 wadanda za a gudanar da ayyukan raya kasa da su a kasafin kudin shekarar 2017.
Bugu da kari, majalisar zartarwar ta karbi bukatar samar da wata sabuwar tashar samar da wutar
lantarki a jihar Edo.

LEAVE A REPLY

Please enter your comment!
Please enter your name here