Kungiyar KANYOPA Za Ta Ci Gaba Da Kawo Aikin Bunkasa Arewacin Kano – Inji T. M. Bichi

0
913
JABIRU A HASSAN, Data Kano

SAKATARE-Janar na kungiyar ci gaban shiyyar kano ta arewa watau (KANYOPA) Kwamared T. M. Bichi, yace  kungiyar zata ci gaba da aiki domin  kawo managarcin ci gaba a wannan yanki, musamman a wannan lokaci  da take ciki na dimokuradiyya.

Yayi wannan tsokaci ne a hirar su da wakilinmu, tare da jaddada cewa kungiyar ta KANYOPA tana da kyawawan manufofi ga yankin mazabar Dan majalisa ta kano ta arewa, domain a cewarsa, mazabar ta zamo koma baya cikin sauran shiyyoyi dake jihar kano, wanda  kuma wajibine a tsaya a yi aikin bunkasa yankin.

Bugu da kari, Kwamared T. M. Bichi ya sanar DA cewa suna aiki DA murya daya  kuma a kungiyance, sannan kungiyar tana kokari wajen nemo  wasu muhimman aiyuka na alheri  daga  masu rike  madafun iko hukumomin gwamnati domin ganin arewcin kano ta sami ci gaba Mai inganci Lamar kowane yanki.

Sakatare-janar T.M.Bichi ya yi amfani  wannan dama wajen jinjinawa sanatan kano ta arewa, Sanata Barau I. Jibrin saboda kokarin take yi wajen Samar ci gaba ta kowane fanni a mazabar sa duk yanayin  kasa ke ciki, tareda godewa dukkanin shugabannin kungiyar KANYOPA bisa  hada hannu aka yi ana aikin bunkasa kano ta arewa.

LEAVE A REPLY

Please enter your comment!
Please enter your name here