Shirin Samar Da Ruga Ga Makiyaya Zai Bunkasa Zaman Lafiya Da Karuwar Arziki A Kasar Nan-Inji Ardo Geza

0
587
Ardo Gezawa

JABIRU A HASSAN, Kano.

SHUGABAN makiyaya na Dam din Kunnawa dake  yankin karamar hukumar Dawakin Tofa  Ardo Alhaji Geza ya ce  za a sami ingantaccen zaman lafiya da karuwar arziki a kasar nan idan aka kammala shirin tsugunar da makiyaya na Ruga.

Ya yi wannan bayani ne  cikin hirar su da wakilin mu  yayin da Gaskiya Tafi Kwabo ta ziyarci  Dam din Kunnawa inda  makiyaya Duke zaune shekara da shekaru, inda  ya kara da cewa ko shakka babu, tsugunar da makiyaya abu  ne  maikyau, sannan za’a sami zaman lafiya tsakanin manoma da makiyaya kamar  yadda ake  bukata.

Ardo Geza ya kuma yabawa kokarin da gwamnan jihar  kano ,Dokta Abdullahi Umar Ganduje keyi wajen samar  da guraren kiwo ga makiyaya a shirin nan na Ruga, sannan ya sanar  da cewa tun  da suke  zaune a wannan guri basu taba yin rikici da manoman yankin ba, wanda  a cewarsa, hakan abin alfahari ne  kwarai da gaske.

Haka kuma shugaban makiyayan ya bayyana cewa dukkanin mutanen sa  dake  zaune a Dam din Kunnawa masu bin doka da oda ne, don  haka nema suke  da kyakkywar dangantaka tsakanin su da daukacin manoman wannan yanki kamar  yadda ake  gani.

LEAVE A REPLY

Please enter your comment!
Please enter your name here