APC Ta Jinjina Wa Matawalle Kan Soke Biyan Tsofaffin Shugabanni Fanshon

    0
    559

    Daga Usman Nasidi.

    KWANAKI kadan bayan Gwamnan jihar Zamfara, Bello Matawalle ya soke dokar jihar na biyan tsaffin shugabanin jihar fansho na makuden miliyoyi, jam’iyyar APC a jihar ta bayyana matsayan ta a kan lamarin.

    A cewar jam’iyyar ta APC a jihar Zamfara ta ce ta yi maraba da matakin da Gwamnan ya dauka ta kuma yi masa jinjina.

    Majiyarmu ta gano cewa mataimakin shugaban jam’iyyar APC a mazabar Central, Alhaji Sani Gwamna ya ce a yi amfani da kudaden da za a samu bayan soke dokar wurin yi wa al’ummar Zamfara ayyukan ci gaba.

    Gwamna ya bayyana hakan ne a ranar Asabar 30 ga watan Nuwamba bayan taron da jam’iyyar ta gudanar.

    Jam’iyyar ta APC ta ajiye adawa a gefe guda ta yaba wa matakin da Gwamnan jihar ya dauka duk da cewa yana jam’iyyar PDP ne.

    A baya, Gwamna Matawlle a ranar Laraba 27 ga watan Nuwamba ya saka hannu kan sabuwar doka da ta shafe tsohuwar dokar na ba wa tsaffin shugabanin miliyoyin kudi a matsayin fansho.

    A jawabinsa yayin saka hannu kan dokar, Gwamna Matawalle ya ce za a yi amfani da kudaden wurin yiwa al’ummar jihar ayyukan cigaba da samar da ayyukan yi ga matasa a jihar.

    LEAVE A REPLY

    Please enter your comment!
    Please enter your name here