Shugaban Shiyyar Kano Na  Hukumar SEC ya ziyarci Kwamishinan Hukumar Sauraron Korafe-korafen Al’umma.

0
463

  Jabiru A Hassan, Daga Kano.

A kwanakin baya ne, shugaban hukumar sauraren korafe-korafen al’uma wato “Securities and exchange commission” Alhaji Danladi Mohammed ya kai  ziyarar kulla dangantakar aiki tsakanin hukumomin biyu cikin makon da  ya gabata, inda ya bayyana cewa zasu yi aiki  tare domin ganin al’amura suna tafiya cikin nasara kuma kamar yadda ake  bukata.

Sannan ya jaddada cewa hukumar sa tana bukatar taimakon hukumar sauraron korafe-korafen al’uma domin tabbatar da  cewa ana  samun masalaha tsakanin bangarorin da  suka sami rashin fahimtar juna dangane da  wasu  abubuwa da  suka shafi hakkoki ta fannoni daban-daban na zamantakewar al’uma.

Alhaji Danladi ya kuma yi amfani  da wannan dama  wajen sanar da  al’uma cewa  hukumar su itace take kula da  zuba jari da  kyautata hadahadar kudade ta yadda kasuwannin hannayen jari zata zamo abar amincewa ga al’uma musamman ganin yadda ake  samun sauye-sauye ta fuskar kaauwancin hannayen jari a duniya baki daya, sannan ya yabawa hukumar sauraron korafe-korafen al’uma saboda kokarin da  suke yi na sasanta dukkanin wata  matsala cikin masalaha kamar yadda ake  gani a kullum.

Da  yake  maida jawabi, kwamishinan hukumar sauraron korafe-korafen al’uma na jihar  kano Alhaji Ahmad Ado Dadinkowa yayi alwashin yin aiki da  hukumar kula da  hannayen jari domin  samar  da kariya mai  gamsarwa ga dukkanin masu hadahadar hannayen jari tareda hada  karfi da  sauran takwarorin ta dake  shiyyar kano domin  tabbatar da  cewa ana  gudanar da  harkoki cikin aminci da  amincewa.

Dukkanin shugabannin suna tare da  manyan jami’an su wanda  hakan ta sanya  ziyarar  zata ci gaba da  bude  hanyoyin hulda  tare wajen yin aiyukan kyautata kariya ga masu zuba hannayen jari wadanda hukumar ke  kula dasu  tun  da  aka kafata kuma ta fara  aiki  cikin shekara ta 1980.


LEAVE A REPLY

Please enter your comment!
Please enter your name here